Zanzibar
MGOMBEA Mteule wa Urais wa Zanzibar kwa Tiketi ya Chama cha Mapinduzi Makamu Mwenyekiti wa CCM Zanzibar,Rais wa Zanzibar na Mwenyekiti wa Baraza la Mapinduzi Dk , Hussein Ali Mwinyi amepokewa na Mamia ya Wanachama wa Chama Cha Mapinduzi,Viongozi na Wananchi alipowasili Zanzibar akitokea Dodoma alipoteuliwa Kupeperusha Bendera ya Chama hicho katika Uchaguzi Mkuu Ujao katika Mkutano Mkuu Maalum wa CCM Uliofanyika hivi Karibuni.
Alipowasili leo Januari, 22 2025 Uwanja wa Ndege wa Kimataifa wa Abeid Amani Karume Akiwa ameambatana na Mkewe Mama Maryam Mwinyi aliombewa Dua Maalum iliyoongozwa na Sheikh Khalid Ali Mfaume pamoja na Kuvishwa Scarf na kushuhudia Ngoma za Asili kiwanjani hapo.
Mgombea Mteule Dk.Mwinyi alipokelewa na Mamia ya Wana CCM, Viongozi Wa Chama na Serikali ,Wakuu wa Vikosi vya Ulinzi na Usalama,Naibu Katibu Mkuu wa CCM Zanzibar Wakiongoza na Makamu wa Pili wa Rais wa Zanzibar Hemed Suleiman Abdalla.
Mamia ya Wananchi wa Zanzibar na Wana CCM walijitokeza kwa Wingi Pembezoni mwa Barabara kuu ya Uwanja wa Ndege- Kilimani kumpokea Dk ,Mwinyi aliyekuwa katika Gari la Wazi akiwapungia Mkono hadi Afisi Kuu ya CCM Kisiwandui.
Mgombea Mteule wa Urais wa Zanzibar Dk.Mwinyi amezuru Kaburi la alieyekuwa Rais wa Kwanza wa Zanzibar Hayati Abeid Amani Karume na Kuweka shada la maua pamoja na kuzungumza na Wazee wa CCM na kumpongeza pamoja na kumtakia Kila la Heri katika safari yake ya Kinyang’anyiro cha Urais wa Zanzibar.
Akizungumza na wana CCM na wananchi Uwanja wa Mapinduzi Square Michenzani Dk. Mwinyi ameeleza kuwa CCM imemaliza kazi ndani ya Chama ya Kufanya Maamuzi sahihi ya kupata wagombea wake na kazi iliobaki ni ya kutafuta ushindi wa kishindo mwezi wa Oktoba katika Uchaguzi Mkuu.
Pia amekishukuru Chama Cha Mapinduzi Kupitia ngazi Zote Kwa Kuthamini Kazi ya Utekelezaji wa Ilani iliyofanywa Naye pamoja na Rais wa Jamhuri ya Muungano wa Tanzania Dk, Samia Suluhu Hassan na kuwateua tena kuwa wagombea wa chama hicho.
Makamu Mwenyekiti wa CCM Zanzibar Dk. Mwinyi amewasisitiza Wana CCM na Wananchi kujiandikisha katika Daftari la Wapiga Kura litakapoanza Mwezi Februari Mwaka huu na Hatimaye kujitokeza kupiga kura mwezi Oktoba ili Chama hicho Kipate ushindi wa kishindo.
” Sisi Ndani ya chama chetu tumemaliza kazi ya maamuzi mapema tunawasubiri wapinzani tushindane nao kwa Kura,” amesema Dk. Mwinyi.
Aidha amewasisitiza kuendelea Kutunza amani na utulivu wa nchi hususani wakati huu wa kuelekea Uchaguzi Mkuu.
