–Asema toka jana usiku hadi asubuhi ya leo Novemba 17,2024 watu watano wameokolewa na kupelekwa Hospitali
–Awatoa hofu wanaosema zoezi linakwenda taratibu asisitiza vifaa vyote vya uokozi vipo lakini kinachofanyika ni ustadi na akili zaidi
Dar es Salaam
MKUU wa Mkoa wa Dar es Salaam, Albert Chalamila akiongea na waandishi wa habari mapema leo ametoa taarifa ya maendeleo ya uokoaji ambapo amesema toka usiku hadi asubuhi ya saa moja kamili wameokolewa watu 5, tayari wameshapekwa hospitali kwa ajili ya kupatiwa matibabu.
RC Chalamila amesema taarifa yake ya awali ya uokozi ilionyesha watu 70 walishaokolewa na taarifa ya usiku hadi asubuhi tayari wameshaokolewa 5 na kufanya jumla ya watu 75 hadi kufikia saa moja asubuhi ya leo.
Aidha Chalamila amewatoa hofu wanaosema zoezi la uokoaji linakwenda taratibu ambapo uokozi unafanywa kwa kutumia akili na ustadi zaidi ili kutokuleta madhara zaidi na ndio maana idadi ya wanao okolewa wakiwa hai ni kubwa zaidi kuliko waliopeza maisha.
Hivyo wananchi waendelee kuwa watulivu vifaa vyote vya uokozi vipo zoezi linaendelea kwa umakini mkubwa ili kuokoa maisha ya wapendwa wetu wafanyabiashara walioko katika jengo hilo
