Na Shomari Binda-Musoma
TIMU ya Mwigobero fc imepoteza mchezo wake wa pili kwenye mashindano ya Mathayo Cup 2024 yanayoendelea kutimua vumbi mjini Musoma.
Kipigo hicho cha mabao 5-1 imekipata kutoka kwa timu ya Kitaji fc baada ya mchezo wa kwanza kupata kichapo cha bao 2-0 kutoka kwa Mukendo fc.
Akizungumza baada ya kipigo hicho kocha wa Mwigobero Seleman Seleman amesema mashindano yamekuwa magumu na ushindani umekuwa mkubwa.
Amesema ni ngumu kutetea ubingwa wao waliouchukua mwaka jana kutokana na matokeo mabaya waliyonayo.
Kocha huyo amesema wacheza kushindwa kushika maelekezo ni moja ya kupelekea kufanya vibaya.
” Umekuwa msimu mbaya sana maana mchezo wa pili tumepoteza na umebaki mchezo mmoja kwenye kundi letu.
” Tuone mchezo wa mwisho namna matokeo yatakavyosema baada ya dakika 90 za mchezo ukimalizika”,amesema.
Katibu wa mbunge wa jimbo la Musoma mjini Vedastus Mathayo Maendaenda amesema ushindani ni mkubwa tangu kuanza kwa mashindano.
Amesema kupitia mashindano hayo elimu juu ya uchaguzi wa serikali za mitaa inatolewa na imekuwa na mafanikio.
