Dar es Salaam
TUNDU Lissu ametangazwa Mwenyekiti mpya Taifa wa Chama cha Demokrasia na Maendeleo (CHADEMA) baada ya kupata kura 513 sawa na asilimia 51.5 zilizopigwa na wajumbe wa Mkutano Mkuu wa Uchaguzi wa Chama hicho uliofanyika alfajiri leo Januari, 22 2025 katika ukumbi wa Mikutano wa Mlimani City jijini Dar es Salaam.
Katika uchaguzi huo Lissu ambaye kipindi kilichopita alikuwa Makamu Mwenyekiti wa CHADEMA alikuwa akichuana na Freeman Mbowe aliyekuwa akitetea hicho pamoja na Odero Charles Odero.
Katika uchaguzi huo Lissu amepata kura 513, sawa na asilimia 51.5 Mbowe kura 482 sawa na asilimia 48.3 na Odero kura moja sawa na asilimia 0.1.
Katika nafasi hiyo ya Mwenyekiti wa Chadema Taifa wapiga kura waliosajiliwa walikuwa 1,014 kura zilizopigwa ni 999 halali zikiwa 996 na tatu zimeharibika
