Na Mwandishi wetu
MKURUGENZI Mtendaji wa Hospitali ya Taifa ya Muhimbili,Prof Mohamed Janabi amesema kuwa wana mkakati maalum wa kutoa huduma za kisada za tiba kwa wagonjwa wanaofika hospitalini hapo kutoka visiwa vya Comoro kutokana na ongezeko la idadi yao katika siku za karibuni.
Amesema hayo alipokuwa akizungumza na Balozi Mteule wa Tanzania nchini Comoro,Saidi Yakubu aliefika kumuaga.
ProfesaJanabi ambaye pia ndio Mwenyekiti wa Kamati ya Kitaifa yaTiba Utalii ameeleza kuwa kwa hivi sasa wana mratibu maalum wa wagonjwa toka nje ya nchi na pia mkalimani wa lugha ya kifaransa ili kurahisisha mapokezi ya wagonjwa toka Comoro na wako tayari kuwa na kliniki za ufuatiliaji kwenye visiwa hivyo.
“Kwa idadi yao na inavyoongezeka,tunakusudia tuwe na wadi maalum ya wanaotoka Comoro katika siku za karibuni,” amesema Prof Janabi.
Kwa upande wake,Balozi Yakubu ameahidi kwenda kufanyia kazi na kuwa na uratibu mzuri wa wananchi wa Comoro kuja nchini kwa matibabu.
