Na Mwandishi wetu@Lajiji Digital
Kamati ya Uongozi wa Mradi wa Julius Nyerere uliyochini ya Mwenyekiti Mhandisi Cyprian Luhemeja ambaye ni Katibu Mkuu Ofisi ya Makamu Rais Muungano na Mazingira wametembelea Bwawa la kufua umeme wa Maji wa Julius Nyerere (JNHPP) katika mto Rufiji kwa lengo la kujionea maendeleo ya Mradi huo ambao unatarajia kuzalisha Megawati 2115 za umeme
Viongozi hao wakiongozwa na Mwenyekiti Mhandisi Luhemeja wametembelea mradi huo , Aprili 27,2024 ambapo katika ziara hiyo waliambatana na Naibu Katibu Mkuu Wizara ya Nishati Dk. James Mataragio.
Baada ya Kutembelea Bwawa la Julius Nyerere amesema wamefurahishwa na namna wataalamu wa Kitaanzania walivyoweza kusimamia mradi huo kwa ustadi mkubwa.
Amewasisitiza wataalamu wanaotekeleza mradi huo kuwa watanzania wanahitaji kupata huduma ya umeme wa uhakika.
” Najuwa kazi kubwa imefanyika na serikali imewekeza fedha nyingi hivyo watanzania wanatarajia kupata umeme wa uhakika muda si mrefu,” amesema MhandisiCyprian
Mhandisi Cyprian amewapongeza Wizara ya Nishati, Shirika la Umeme ( TANESCO) na wadau wengine kwa kuhakikisha mradi huo unatekelezwa kwa ufasaha.
