Na Shomari Binda-Musoma
WAKAZI wa Kijiji cha Kurwaki Kata ya Mugango wameanza ujenzi wa shule ya “David Massamba Memorial Secondary School”kusogeza elimu jirani.
Sekondari hii ambayo itakuwa ya pili kwa Kata ya Mugango inajengwa ikiwa imepewa jina la Marehemu Profesa David Massamba mzaliwa wa Kijiji cha Kurwaki na aliyekuwa bingwa wa mabingwa wa lugha ya kiswahili.
Kazi kubwa za ustawishaji wa lugha ya Kiswahili zilizofanywa na Marehemu Profesa Massamba kwa kushirikiana na wataalamu wenzake
Yaliyofanywa na marehemu Profesa Massamba ni kuandika vitabu vinavyotumika vyuo vikuu na sekondari ni (Sarufi Maumbo ya Kiswahili Sanifu)
na uandishi wa kamusi ya kiswahili
Michango ya awali ya ujenzi iliyotolewa ni ya
wanakijiji shilingi milioni 1,870,000,familia ya Massamba shilingi 800,000,wazaliwa 2 wa Kijiji cha Kurwaki shilingi 750,000 ambao ni Dk.Rukonge Manoko na n Kawawa Jackson, diwani wa Kata shilingi 200,000,wazazi wa Kijiji jirani cha Kiriba shilingi 80,000 na walimu makada wa CCM shilingi 70,000
Michango ya mbunge wa jimbo la Musoma vijijini Profesa Sospeter Muhongo mchango binafsi amechangia mifuko 250 ya saruji huku mfuko wa jimbo ukichangia mifuko 205.
Wananchi na wadau wa elimu wameombwa kuendelea kuchangia kupitia akaunti ya Kijiji cha Kurwaki iliyopo benki ya NMB kwa namba 30302301539
Mbunge wa jimbo hilo Profesa Muhongo amesema ujenzi wa sekondari hiyo itakuwa ni kumbukumbu nzuri ya kuenzi kazi nyingi na muhimu sana alizozifanya Marehemu Prof David Massamba kwenye ukuzaji na usitawishaji wa lugha ya Kiswahili kitaifa na kimataifa.
